កម្ពុជានឹងទទួលរងនូវអាកាសធាតុចុះត្រជាក់ម្ដងទៀតនៅកំឡុងពេល………

បើតាមរបាយការណ៍ពីក្រសួងធនធានទឹក និងឧតុនិយម ដែលបានចេញផ្សាយថ្ងៃទី 01 ខែកុម្ភៈ ឆ្នាំ2018នេះបានឲ្យដឹងថា៖

ជ្រលងសម្ពាថខ្ពស់ពីប្រទេស និងខ្យល់មូសុងឦសាន្ត បាននឹងកំពុងបង្កើនឥទ្ធិពលគ្រប់ដណ្ដប់លើភាគខាងជើងព្រះរាជាណាចក្រកម្ពុជា។

ស្ថានភាពបែបនេះ នឹងធ្វើឲ្យអាកាសធាតុនៅព្រះរាជាណាចក្រកម្ពុជា ចុះត្រជាក់សារជាថ្មីម្ដងទៀត ដែលនេះជាលើកទី4ហើយដែលកម្ពុជាទទួលរងនូវអាកាសធាតុត្រជាក់ ចាប់ពីថ្ងៃទី 04-09 ខែកុម្ភៈ ឆ្នាំ2018នេះតទៅ ដែលក្នុងនោះរួមមាន៖

1-តំបន់ជួរភ្នំដងរែក ៖ សីតុណ្ហភាពអប្បរមានឹងថយចុះមកនៅក្នុងរង្វង់ 13-14 ˚C​ ។

2-ខេត្តឧត្តរមានជ័យ ព្រះវិហារ ស្ទឹងត្រែង រតនគិរី មណ្ឌលគិរី និងខេត្តប៉ៃលិន សីតុណ្ហភាពអប្បរមា នឹងថយចុះមកនៅក្នុងរង្វង់ 15-16 ˚C។

3-ខេត្តពោធិ៍សាត់ បាត់ដំបង បន្ទាយមានជ័យ សៀមរាប កំពង់ធំ កំពង់ចាម ត្បូងឃ្មុំ ក្រចេះ និងខេត្តកោះកុង សីតុណ្ហភាពអប្បរមានឹងថយចុះមោនៅក្នុងរង្វង់ 17-18 ˚C។

4-រាជធានៅភ្នំពេញ ខេត្តកំពង់ឆ្នាំង កំពង់ស្ពឺ តាកែវ កណ្ដាល ព្រៃវែង និងខេត្តស្វាយរៀង សីតុណ្ហភាពអប្បរមា នឹងថយចុះមកនៅក្នុងរង្វង់ 19-20 ˚C។

5-ខេត្តកែប កំពត និងខេត្តព្រះសីហនុ សីតុណ្ហភាបអប្បរមានឹងថយចុះមកនៅក្នុងរង្វង់ ពី 23-24 ˚C។

អាស្រ័យហេតុនេះ សូមបងប្អូន ប្រជាពលរដ្ឋ នៅតាមតំបន់ទាំងនេះ បានទទួលជ្រាបជាពត៌មាន និងបង្កើនការប្រុងប្រយ័ត្នឲ្យបានខ្ពស់ដើម្បីបង្ការ និងទប់ទល់នឹងអាកាសធាតុត្រជាក់ម្ដងនេះ។

សូមមេត្តាចែករំលែកពត៌មានមួយនេះឲ្យបានទូលំទូលាយតាមដែលអាចធ្វើទៅបានផង

សូមអរគុណ!!!

No comments

Posted at February 01, 2018 |  by Unknown